Franġiskani Konventwali lbieraħ u llumA - RuĦ - Reliġjon u Ħajja

Dan il-ktieb qed iġorr fih għadd ta’ bijografiji ta’ reliġjużi rġiel u nisa, kif ukoll ta’ lajċi li seħħilhom jaħdmu qrib jew favur l-Ordni Franġiskan Konventwal. Il-ħidma tagħhom tvarja minn dik pastorali għal dik missjunarja; minn dik akkademika għal dik xjentifika; nies li servew lill-Ordni bil-kitba, il-predikazzjoni, ix-xandir, l-istudju, it-tagħlim u ċ-ċirka; mill-portineriji għall-episkopat, minn frajiet sa kardinali; minn għorrief kbar tal-iskola għal għorrief tal-ħajja, li ma telgħux fuq katedri, iżda għallmu bl-eżempju fil-ħajja ta’ kuljum. Ġawhra għalhekk hija l-familja Franġiskana Konventwali madwar l-erbat irjieħ, li minn seklu għal ieħor, ipprovdiet tant ħidma pastorali u akkademika f ’sitta u tletin provinċja f’sittin pajjiż differenti madwar id-dinja.